طفلة عمرها (14)عاما تنجب طفلا

by شوتايم2

 

 

 

انجاب الأطفال دون سن التكليف أمر بالغ الخطورة خاصة إذا كان الإنجاب دون رباط شرعي  فقد نشر رامي الجبالي، مؤسس صفحة أطفال مفقودة المصرية  قصة مأساوية من نوعها عن طفلة أنجبت طفل في محافظة كفر الشيخ، مستغيثا: «فاكرين إنهم لاقوا حيوان!».

وقال رامي الجبالي عبر صفحته الرسمية على موقع «فيسبوك» خلال الساعات القليلة الماضية: «طفله عمرها ١٤ سنة أنجبت طفل … و حق الاثنين هيضيع !».

وأضاف مؤسس صفحة أطفال مفقودة: «في #كفر_الشيخ طفلة عمرها ١٤ سنة انجبت طفل في الشهر السابع وأهل الطفلة قرروا يتخلصوا من الطفل المولود».

وتابع: «سيدة معرفتهم، عرفت بالواقعة، فقالت حرام الطفل أنا هاخده أشوف حد يتبناه!، الست أخدت الطفل اتصلت ببنتها تقول لها علي اللي حصل، فبنتها كلمتنا علي أطفال مفقودة تطلب المساعدة».

وأشار: «روحنا لحد عندهم في البيت وشوفنا الطفل اللي زي القمر ما شاء الله، وشرحنا لهم الإجراءات .. و كانت المفاجأة إنهم فاكرين أنهم عثروا علي قطه أو كلب في الشارع و بيدوروا علي حد ياخده ولا كإنه إنسان !!».

تضارب في الأقوال
ولفت «الجبالي»: «شويه يقولوا لقينا واحد في مدينة #دسوق صاحب معرض عربيات مش بيخلف هيكتبه بإسمه و أخده، و شويه يقولوا هنكتبه بإسم بنتنا و شويه يقولوا لقيناه في الشارع و ملكوش دعوه بحكايهة أمه … و شويه يقولوا واحد جاب الطفل لنا في كرتونه !!».

ونبه: «نقول لهم حرام و ده تزوير … يقولوا لنا خلاص خدوه و متسألوش … نقول لهم مستقبل الطفل ده هيتدمر و ممكن يكون مخطوف … ده غير إن إنتم في البدايه قولتوا إن في طفله عمرها ١٤ سنة هي اللي خلفته حرام نضيع حق الطفله ال ١٤ سنه و الطفل ده».

وأكد: «خوفي إن أم الطفل اللي عمرها ١٤ سنه يكون تم الاعتداء عليها … أو يكون ده طفل مخطوف … أو الطفل يتم بيعه !».

واختتم مؤسس صفحة أطفال مفقودة مستغيثا ومؤكدا في تصريح لموقع «صدى البلد»، اليوم الثلاثاء، أنه يتواصل حاليا مع عدد من الجهات المعنية لحل أزمة الطفل الضحية: «حاولت والله أعمل أي حاجة وأقنعهم بس للأسف فشلت… وعملت بلاغ خط نجدة الطفل 16000 وبلغت مكتب حماية الطفل في Egyptian Public Prosecution النيابة العامة المصرية يا رب يعرفوا يقنعوا الناس دي متضيعش حقوق الأطفال دي».

 

اضغط هنا للإنضمام لشوتايم نيوز على الواتساب






Leave a Comment